Að dómnefnd Íslensku myndlistarverðlaunanna standa Myndlistarráð, Listaháskóli Íslands, Listfræðafélag Íslands, safnstjórar íslenskra listasafna og Samband íslenskra myndlistarmanna.

Stjórnendur þeirra stofnana sem að dómnefnd standa tilnefna tvo fulltrúa til setu í dómnefnd. Leitast skal við að tilnefna fulltrúa með víðtæka þekkingu á sviði íslenskrar myndlistar. Kynningarmiðstöð íslenskar myndlistar heldur utan um framkvæmd Íslensku myndlistarverðlaunanna fyrir hönd Myndlistarráðs og setur saman dómnefnd úr innsendum tilnefningum þeirra fagfélaga sem að henni standa. Val á dómnefnd skal hafa hliðsjón af hæfisskilyrðum stjórnsýslulaga 37.1993.

Dómnefnd er skipuð í byrjun árs og situr í eitt ár í senn. Leynt skal fara með hverjir sitja í dómnefnd og nöfn nefndaraðila ekki gerð opinber fyrr en á afhendingu verðlaunanna. Meðlimir dómnefndar skulu gæta fyllsta trúnaðar um hlutverk sitt sem og annarra sem í nefndinni sitja. Allt sem fram fer og sagt er á fundum dómnefndar er trúnaðarmál, einnig eftir að störfum nefndarinnar hefur lokið.

Dómnefnd skal skipuð einstaklingum af ólíkum kynjum og gæta skal jafnræðis við skipan fulltrúa.

Formaður dómnefndar er formaður Myndlistarráðs.

Ætlast er til að meðlimir dómnefndar sæki megnið af sýningum myndlistarrársins og fari yfir þær með hlutverk sitt í huga.